QR parlamenti májilisiniń depýtaty, QR bala quqyqtary jónindegi ýákil Zaǵıpa Balıeva OQO Saryǵash aýdanyndaǵy Abaı aýylynda joǵary synyp oqýshylary zorlady degen 7 jasar balanyń jaǵdaıy týraly aıtty, dep habarlaıdy Qamshy.kz aqparat agenttigi Sputnik Qazaqstan saıtyna silteme jasaı otyryp.
«Bala qazir sabaqta, onyń qasynda ájesi men tátesi bar. Balanyń qarny toq, jaǵdaıy jaqsy. Men birneshe azamatpen baryp keldim, olardy óz kózimmen kórip qaıttym», — dedi ol.
Balıeva balanyń anasy birneshe kúnnen beri telefondy kótermeıtinin aıtty.
«Anasyn birneshe kúnnen beri biz de taba almaı júrmiz. Uly da, tátesi de habarlasty, alaıda ol telefondy kótermeıdi. Men ne bolyp jatqanyn bilmeımin. Eń bastysy qazir balanyń jaǵdaıyn oılaý kerek. Onymen psıhologtar jumys istep jatyr», — dedi Balıeva.
Eske salyp ótsek, úsh-tórt kún buryn otandyq BAQ betinde «Abaı aýylyndaǵy mektepterdiń birinde 7 jasar balany joǵary synyp oqýshylary birneshe ret zorlaǵan» degen aqparat taraǵan edi. Saryaǵash aýdanyna qarasty Abaı aýylynda bar-joǵy birinshi synypta oqıtyn oqýshyny ózinen 7-8 jas úlken 4 oqýshy 5 aı boıy zorlap kelgen kórinedi. Jábir kórdim degen bala bul týraly týystaryna byltyr tamyz aıynda aıtqan eken. Sodan beri polıseılerge neshe márte barǵanymen tártip saqshylary shaǵymdy tek qańtar aıynda qabyldapty.
Alaıda sot-medısınalyq saraptama qorytyndysy birinshi synyp oqýshysyna seksýaldy sıpattaǵy zorlyq-zombylyq jasalǵanyn teriske shyǵardy.
Keshe OQO ákimi Janseıit Túımebaev Saryaǵash aýdany, Abaı aýylyndaǵy mektepte bolǵan keleńsiz jaǵdaıǵa baılanysty jaýapty tulǵalarǵa shara qoldandy. Atap aıtsaq, QR zańyna sáıkes oblys ákiminiń orynbasary U.Sádibekovke qatań eskertý berildi. Sondaı-aq, Saryaǵash aýdandyq jergilikti polısıa qyzmeti basshysy O.Berdaly men Saryaǵash aýdany, Abaı aýyldyq jergilikti polısıa bólimshesiniń basshysy Á.Ibragımov, ıývenaldy polısıa bólimshesiniń №73, №74 jalpy orta mektepterine jaýapty polısıa ınspektory Q.Sárıev qyzmetinen bosatyldy.
Pikir qaldyrý